Kotar Region Stockholm ki Romani chib
O Region Stockholm tani politički čerdi organizacia koja so isi ola odgovornost ko sastipe- hem medicina, ko kolektivno saobračaj hem ko regionalno progresi. Ki amari buti inkIudirimi tani hem i kultura.
I političko organizacia inkludirini i regionalno delegacia, i regionalno direkcia hem o komiteti. I regionalno delegacia tano o glavno organi kaj so anela pe o glavna odluke ko Region Stockholm.
Tu so bešeja ki Region Stockholm šaj te glasine ko izborija svako štarto berš kova političari te bešel ki regionalno delegacia. Tegani ko odola izborija glasineja hem baš o parlamenti hem komuna.
Sastipe hem medicina
O Region Stockholm tano odgovorno tuče so bešeja ki Stockholm, te dobine adekvatno medicinsko pomoč so valjani tuče. Sastipe- hem medicina tani amari najbari buti, koro 80 procentija kotar amaro buđeti đala ko odova. Zalo Sastipe- hem medicina amen čeraja buti hem ki nauka, edukacia hem progresi.
Zubari
Amen isi amen generalno odgovornost te šaj tu te đa ko zubari. O zubari na koštini ništa pare e čhavorenđe, e ternenđe hem e manušenđe kase so valjani specialno medicinsko pomoč, odova sa ka platini o Region Stockholm.
Komiteti baš o pacientija
Ako isi tut disavi žalba baš i medicinsko pomoč so dobinđan, šaj te kontaktirine o komiteti baš o pacinetija hem o komiteti ka pomožini tut te dobine odija pomoč so valjani tuče.
Kolektiviteti
Amen hijam odgovorna hem baš o kolektivno saobračaj hem odoljese tu šaj te putujine ko regioni vozeja, autobuseja hem brodoja. Ko akava momenti čeraja jekh bari investicia ko kolektivno saobračaj kaj čeraja o metro so ka đal ko thana Barkarby, Nacka hem Arenastaden.
Regionalno progresi
Pana jekh kotar amari buti tano te čera koordinacia baš o progresi hem baš o konstans ko regioni Stockholm. Amen planirinaja te phrava neve thana te čerel pe buti, neve čhera hem mangaja te ovel jekh balans maškaro progresi ki ekonomia hem socialno zaštita.
Kultura
Amen čeraja buti te barjačera o resursija ko sa o forme kotar i kultura. Amen mangaja te pomožina hem te da ekonomsko podrška ko sekcije kotar i kultura, organizacije hem sport. Odola aktivitetija so dobinena amendar i ekonomsko pomoč valjani te vazden o kulturna hem artistična formulacije prekalo razna metode.
- Senast granskad: 26 mars 2024